SAVA se sosiale klubs
In die Westerse wêreld en ander Eerste Wêreld-lande het die ouderdomsgroep van tagtig jaar en meer die vinnigste groeiende groep van die bevolking geword. Dis te danke aan 'n groter gesondheidsbewussyn, kennis oor behoorlike dieet sowel as genoegsame oefening en stimulasie van denke. Verbeterde mediese geriewe en prosedures speel natuurlik 'n groot rol in lewensverwagting. Voortvloeiend hieruit is daar twee belangrike uitdagings wat die hoof gebied moet word, naamlik:
krimpende inkomste en eensaamheid.
As algemene stelling word sosiale kontak belangriker soos mense verouder. Dalk het 'n lewensmaat hulle ontval of miskien het hulle kinders ge-emigreer. Terwyl sommige seniors willens en wetens besluit om hulle lewe in Suid Afrika voort te sit, is daar ander wat gewoon net nie kan bekostig om hulle kinders oorsee te volg nie.
'n Paar jaar gelede het SAVA hierdie behoeftes raakgesien en beplan om sosiale klubs te vorm om dit aan te spreek. Toe die ARP&P gesluit het, het SAVA dit as 'n goue geleentheid gesien om hierdie fasiliteite vir ons eie lede te bekom. Die ARP&P is genooi om by SAVA aan te sluit en SAVA se afdeling Sosiale Dienste het die lig gesien ten einde die klubs te ondersteun. Op hierdie punt het SAVA 'n betekenisvolle bedrag in die infrastruktuur van nuwe klubs belê.
Terwyl SAVA die ekonomiese behoeftes van sy lede probeer aanspreek, hanteer die afdeling Sosiale Dienste die probleme van alleen-wees deur die daarstel en ondersteuning van sosiale klubs.
Deur maandelikse vergaderings te hou, vermaaklikhede te reël, etes en uitstappies te organiseer en dies meer, skep hulle geleenthede vir seniors om te ontmoet en interaksie te geniet. In der waarheid het baie klubs sub-groepe vir bingo en brug sowel as ander aktiwiteite. Baie van die ouer garde se behoeftes aan sosiale kontak word op dié wyse bevredig.
Lidmaatskap van klubs is oop vir enigeen wat die ouderdom van vyftig jaar behaal het. 'n Lae ledegeld (gewoonlik tussen R25 en R40 per jaar) word gehef om die lopende uitgawes van sulke klubs te dek. Klubs funksioneer selfstandig en daar word net verwag dat hulle die afdeling Sosiale Dienste met afskrifte van hulle rekeninge en besonderhede van hulle lede moet voorsien. Op sy beurt verskaf Sosiale Dienste 'n handleiding, kwitansieboeke, ledekaarte, afskrifte van die Konstitusie, SAVA-kentekens en ander hulp wat hulle mag benodig.
SAVA het een van die direkteure as Hoofbestuurder aangestel met die opdrag om die sosiale klubs te bedryf. Hy is in 'n raadgewende hoedanigheid daar en verskaf hulp en raad wanneer klubs dit benodig.
Dienste
- Die onderstaande is voorbeelde van dienste wat deur klubs aangebied word:
- Hulle moedig deelname in maandelikse vergaderings aan
- Hulle verskaf 'n hele spektrum vermaak by vergaderings
- Hulle reël uitstappies en besoeke
- Sommige klubs subsidieer selfs hierdie aktiwiteite
- Hulle nooi interessante sprekers oor 'n verskeidenheid onderwerpe
- Hulle organiseer verdiskonteerde toere en uitstappies
- Hulle onderhandel plaaslik afslag op aankope
- Hulle verskaf aan verskeie mense die geleentheid om in die komitee leiding te neem
- Sekere takke verskaf selfs die geleentheid van rekenaar-opleiding wat mense in staat stel om via die internet kontak te behou met hulle kinders en vriende
Die hoofbestuurder bly gedurig in kontak met die klub-komitees en spreek hulle vergaderings gereeld toe. Aan komiteelede word twee interne nuusbriewe op 'n maandelikse basis verskaf om hulle op die hoogte te hou met gebeure.
SAVA se afdeling Sosiale Dienste help ook groepe lede om nuwe klubs op die been te bring deur te help met die stigtingsproses. Tipies sal Sosiale Dienste hand bysit met die verkryging van 'n geskikte vergaderlokaal en help om mense uit te soek om in die eerste komitee te dien. SAVA skenk aan elke nuwe klub R1,000 as 'n bruidskat.
By die eerste vergadering sal die hoofbestuurder verseker dat daar iemend is om mense te verwelkom en om eenvoudige vrae te beantwoord. Hy sal dan die vergadering toespreek en die volgende punte te berde bring:
- Verwelkoming
- Voorstelling van die aanvangskomitee
- Agtergrond-inligting oor SAVA gee
- Die doelwitte van 'n sosiale klub uitspel
- Ekonomiese en sosiale voordele van SAVA-lidmaatskap verduidelik
- Verduidelik waarom behoorlike administrasie en beheer nodig is
- 'n Datum vasstel vir die eerste vergadering.
Die voorsitters van klubs in die Wes-Kaap, Suid-Kaap en Kwazulu-Natal woon gereeld streekvergaderings by wat deur die hoofbestuurder gereël word. Kruisterugvoer tussen klubs is die grootste voordeel wat hieruit voortvloei. Inligting oor sprekers en vermaaklikheidskunstenaars word met mekaar gedeel. Sosiale interaksie tussen klubs is van net so 'n primêre belang as die interaksie tussen lede van 'n klub.
Tans is daar 28 klubs landwyd met 'n gekombineerde ledetal van bykans 9,000.
Lys van sosiale klubs
